დროის აღრიცხვა და ცვლები

1. დროის აღრიცხვის კალენდარი და კონტრაქტის პირობები

კომპანიაში თანამშრომლის კონტრაქტის პირობები განსაზღვრავს მის სამუშაო გრაფიკს, ხოლო სამუშაო გრაფიკი განსაზღვრავს შიდა წესებითა და შრომის კანონმდებლობით დადგენილი უფლებების გამოყენების შესაძლებლობას.
 

Aisitec HR სისტემაში დროის აღრიცხვის კალენდარი ავტომატურად გენერირდება კონტრაქტის ისეთ პირობებზე დაყრდნობით, როგორიცაა: დღიური სამუშაო საათები, კვირაში ჯამური სამუშაო საათები, სამუშაო და დასვენების დღეების განსაზღვრა, ზეგანაკვეთური საათების დათვლის პრინციპები და წესები.

შესაბამისად, თუ თანამშრომელი მუშაობს წესებისა და პირობების მიხედვით, მისი კალენდარი ცვლილებას არ საჭიროებს, თუმცა ცვლილების შეტანა შესაძლებელია როგორც თანამშრომლისთვის, ისე უფლებამოსილი პირისთვის.
 

დროის აღრიცხვის კალენდარში როგორც თანამშრომელს, ასევე უფლებამოსილ პირს შეუძლია შეცვალოს:

• სამუშაო ადგილმდებარეობა,

• სამუშაო საათები,

• სამუშაო დღე დასვენების დღედ გადაანაცვლოს,

• მონიშნოს — დისტანციურად მუშაობს თუ ოფისიდან, ქონდა თუ არა არასაპატიო გაცდენა.
   

დროის აღრიცხვის კალენდარში:
 

• ავტომატურად აისახება დადასტურებული შვებულებები, საავადმყოფო ფურცელი, სხვა საპატიო/არასაპატიო გაცდენები და მივლინებები;

• ავტომატურად ითვლება ზეგანაკვეთური საათები — კონტრაქტით განსაზღვრული პირობების მიხედვით;

• ავტომატურად ითვლება ღამით და დასვენების დღეზე ნამუშევარი საათები, რომლებიც შეიძლება სხვადასხვა სახელფასო კოეფიციენტით ანაზღაურდეს;

• კანონმდებლობით მოთხოვნილი ანგარიშგებები ავტომატურად გენერირდება.

დროის აღრიცხვის კალენდარი თვის ბოლოს მენეჯერების მიერ ვიზირებით დადასტურდება და ინახება სტრუქტურირებულ ფორმატში.